Visit Our Site Too

Huawei تستخدم كاميرا DSLR علشان اعلانها المروج للسيلفى


لقت شركة هواوى شوية متاعب بصيطة بسبب فيديو ترويجى تم انشأة علشان التوزيع ف ام الدنيا مصر  الاعلان الترويجى بيتكلم عن موبايل واوى الجديد Nova 3 و Nova 3i  و بزات علن السيلفى ف ب النسبة للعلان مفيش حاجة غريبة خالص لغاية دلوقتى 

لسوق حظ الشركة الصينية واوى انها فكرت تسوق ف ام الدنيا مصر و ميحصلهاش اى مشاكل  فا كان لازم يكون فية تاتش مصرى طبعا  ,  قامت ب الدور دة صارة الشامى و طبع انا مكناش نعرفها اصلا الا من الفيديو دة و هى ممثلة مصرية  الممثلة الظهرت فى الاعلان و نشرت كواليس الاعلان على الانستجرام بتعها بس طبعا مسحتها بسرعة بعد متراضد و الصورة التى تم نشرها 
1


طبعا بان اكتر ان دى مش  كمرة سيلفى عدية  دا لما تشوف الاعلان طبعا الفوق هتحس انها كمرا خارقة و لكن بعد متشوف الصورة السارة الشامى نشرتها هتعرف ايدك من رجليك و هتعرف ان واوى  بضحك علينا و تم استخدام كمرا DSLR من 

مصور محترف حاول ياكدلك ان الصورة متصورة فعلا ب كمرا موبايل سلفى و يستخدم الممثل المع سارة ايدوعشان ياكد ان دى كمرة موبايل فعلا 


ازاي تحمي نفسك على النت

 ازاي تحمي نفسك على النت

Image may contain: night


مفيش (جهاز نظام سيستم أبلكيشن موقع نيتورك باسورد أكونت سيرفر) متأمّن 100%.. أنت دايما في خطر !
أي حاجة عنك وعن حياتك بمجرد دخولها عالم الأونلاين بأي شكل، هي ممكن يتم اختراقها في أي لحظة..
لازم تأمّن نفسك!
 ازاي تحمي ايميلك على جيميل؟
مبدئيا كدا أكونت الجيميل في حياتك الالكترونية مهم جدا، لإنه بتستخدمه في انك تسجل بيه موبايلك الأندرويد، معظم ايميلات الشغل بتكون عن طريقه لإنه سهل وبسيط في الاستخدام، غالبا أكونت الفيسبوك بتاعك بيكون على الايميل الجيميل، لإنك كمان 
بتستخدم بايميل الجيميل مزايا كتير وخدمات من جوجل زي يوتيوب وجوجل درايف وخدمات المستندات زي Google Docs وSheets:
1. افتح اللينك ده هيوديك على صفحة الأمان على جيميل:من هنا

2. لازم تسجل ايميل بديل عشان لو نسيت كل حاجة عشان تفتح ايميلك هيتبعتلك على الايميل البديل لينك عشان تقدر ترجع ايميلك وتعمل باسورد جديد

3. شغل ميزة التحقق بخطوتين Two-Factor Authentication ودي بتخلي جيميل يتأكد من انك انت الايميل الأكونت اللي بيفتح الايميل فعلا من خلال انك تدخل باسوردك وتختار أي نوع من أنواع الأكواد دي تدخله بعد الباسورد:
- لو معاك موبايل أندرويد متسجل بنفس الايميل، شغل ميزة " رسالة مطالبة من جوجل Google Prompt" ودي بتبقى رساالة 
بتظهرلك على موبايلك لما تحاول تفتح ايميلك من جهاز أول مرة تفتحه عليه وتدخل الباسورد، الرسالة على موبايلك هتقولك هل 
انت بتفتح الايميل بتاعك ولا لأ، وكل اللي عليك تعمله تدوس "نعم أو Yes" لو انت فعلا اللي بتفتحه!
- ميزة Google Authenticator، ده أبلكيشن بيشتغل أوفلاين مبيحتاجش انترنت ولا بيبعت مسدج ع الموبايل، كل اللي بتعمله انك لما بتيجي تفتح ايميلك من جهاز جديد اول مرة هتطلع موبايلك وتشغل أبلكيشن Google Authenticator، وتدوس على الزرار الأحمر اللي عليها شكل زائد + وتختار Scan Barcode هيطلعلك شاشة فيها مربع ومتشغلة الكاميرا الخلفية لموبايلك 

وهتحاول تنشن المربع يبقى جواه صورة مربع الـ QR Code وبس كدا هتلاقي الأبلكيشن اتسجل عليه ايميلك وطالعلك جمبه كود بيتغير كل 60 ثانية، وعشان تكمل ربط ايميلك بالابلكيشن هتاخد الكود ده وتكتبه في مربع فاضي تحت على الشاشة اللي طالعالك في الجهاز الجديدوتدوس Confirm مرتين وخلاص كدا لما تيجي تفتح ايميلك من مكان جديد هتدخل باسوردك وهيطلب منك كود 
تطلع الأبلكيشن ده من موبايلك وتاخد الكود اللي عليه وأحسن حاجة في الابلكيشن انه مش محتاج موبايلك يبقى واصل بالانترنت 
عشان يشتغل  .. ودي أنصحك جدا بيها
لتحميل أبلكيشن Google Authenticator
أندرويد:
ايفون
- استقبال كود عن طريق رسالة، ودي ليها طريقتين اما رسالة صوتية بمكالمة أو نصية SMS
- الرموز الاحتياطية Backup Codes وهي رموز بيظهرهالك الجيميل عشان تخليهم معاك دايما بحيث لو مش معاك موبايلك عشان تستخدم أي ميزة من الأكواد اللي فوق تقدر برضو تفتح ايميلك من اي جهاز جديد، وأنصحك بالطريقة دي جدا وانصحك 
كمان انك تطبع الاكواد دي وتحطها في محفظتك عشان تبقى معاك في اي مكان وياريت تغيرها كل فترة مثل 6 شهور عشان برضو تبقى في السليم 
4. طبعا فيه أجهزة انت بتفتح منها دايما ومش كل مرة هتفتح منها هتستنى كود وبتاع، فدي بتحطها في "الأجهزة التي تثق بها Devices you trust"
 ازاي تحمي اكونتك على فيسبوك؟
1. فعّل ميزة الـ Trusted Contacts عشان لو حد سرق اكونتك او نسيت الباسورد، الفيسبوك هيبعت اكود للأكونتات اللي هتختارها (من 3 إلى 5 اكونتات) وهم هيدوهالك وانت تدخلها عشان فيسبوك يتأكد ان انت.. ويخليك تغير الباسورد!
ادخلها من هنا
2. تابع بإستمرار الاجهزة اللي بيتفتح منها أكونتك من هنا
3. فيه حاجة اسمها Two-Factor Authentication أو استخدام المصادقة الثنائية ودي بتخلي الفيسبوك يتأكد من انك انت صاحب الأكونت اللي بيفتح الأكونت فعلا من خلال انك تدخل باسوردك وتختار أي نوع من أنواع الأكواد دي تدخله بعد الباسورد، 
هتقدر توصل للميزة دي من جوا اعدادات الأكونت Settings ومن هناك اختار Security&Login أو الأمان وتسجيل الدخول لو شغال بالعربي، ومن هناك هتلاقي :

- فيه هتلاقي حاجة اسمها Code Generator أو أداة إنشاء الرموز، ودي ميزة مقسومة إلى جزئين تختار بينهم:
* هتلاقي كلمة تحت الميزة دي اسمها Third Party أو الطرف الثالث باللون الأزرق بخط صغير بتدوس عليها، هيطلعلك شاشة كدا فيها مربع QR Code، هتطلع موبايلك وتشغل أبلكيشن Google Authenticator اللي اتكلمنا عنه فوق، وتمشي نفس الخطوات
أو
* كود يجيلك جوا ابلكيشن الفيسبوك على موبايك وده هتوصله لما تدوس على القايمة الجانبية اللي علامتها خطوط فوق بعض كدا وتختار من تحت خااااااالص  Code Generator

- كود يجيلك في رسالة على موبايلك (وده أحسن عشان مبيحتاجش انك تبقى واصل انترنت ع الموبايل  ودي تقدر تفعلها من خلال Text Message (SMS).. بس مش أمان أوي عشان لو موبايلك اتسرق أو خطك ضاع
- لو ناسي موبايلك أو مسافر وخطك المتسجل ع الاكونت مش شغال معاك او نسيته، فيه مجموعة أكواد بيديهملك الفيسبوك عشان تدخلهم بعد الباسورد فتفتح اكونتك من اي مكان في العالم، ودي تقدر تفعّلها من خلال Recovery Codes أو رموز الاسترداد .
. ( دي بقى ننصحك تطبعها وتحطها جوا محفظتك وتبقى معاك كمان نسخة منها في صورة سكرين شوت على جوجل درايف أو دروب بوكس  .. دي أنصحك جدا بيها
4. أكيد مش كل مرة هتحب انك تدخل من أي جهاز ( حتى لو موبايلك وكمبيوترك الشخصي ) وتستنى كود يتبعتلك على موبايلك، عشان كدا لما تفتح لأول مرة دوس على Save Device، وكل الأجهزة اللي هتعمل معاها كدا هتلاقيهم تحت كلمة Authorized Logins أو تسجيلات الدخول المصرح بها
وممكن في اي وقت تمسح اي جهاز فميقدرش يفتح اكونك الا بواحد من الاكواد اللي فاتت 

5. بلاش الدوس على لينكات عمال على بطال ع الفيسبوك، لإن وربنا أبل مش عاملة مسابقة لايكات ومش هتكسب ايفون 10 اللي لسا منزلش ولا "انا كسبت 1000 جنيه رصيد فودافون دوس ع اللينك وجرب بنفسك" ده حقيقي أصلا ولا ليك خالة في أستراليا وصت الست اللي بعتتلك ايميل عشان تفرق ثروتها على نص سكان جزر الكراميل في شمال غرب السلوم ده حقيقي من أساسه.. !!
حكّم عقلك قبل ما تدوس !

6. لما تفتح اكونتك من اي كمبيوتر او لابتوب مش بتاعك، دايما ادخل في وضع مخفي عشان ميتسيفش عليه اي باسورد او هيستوري المواقع اللي دخلتها، وطبعا اياك وزرار Remember me، لإنه بيسيف الباسورد جوا البراوزر نفسه، فلو اتهاك .. انت في رحلة للهلاك ! 

7. شغل ميزة ان فيسبوك ينبهك ان اكونتك اتفتح من جهاز جديد سواء من خلال نوتيفيكيشن على الفيسبوك أو مسدج على الماسنجر أو ايميل يجيلك على ايميلك!، وده من خلال تفعيل ميزة "Get alerts about unrecognized logins أو تلقي تنبيهات بشأن تسجيلات الدخول غير المعروفة "

8. كترت الايميلات اللي بتتبعت من ايميلات مزيفة شبه فيسبوك، وبتضحك عليك عشان تقنعك تدخل ايميل اكونتك والباسوورد وهوووب تتسرق، عشان كدا فيه ميزة فيسبوك عملها وهي " أحدث رسائل البريد الإلكتروني حول الأمان وتسجيل الدخول See recent emails from Facebook" هتلاقيها في آخر صفحة اعدادات الخصوصية، ودي هتلاقي فيها كل الايميلات اللي فيسبوك بيبعتهالك عشان لو شكيت في ايميل تيجي هنا وتتأكد 
 نصايح عامة:
1. مينفعش تدي باسوردك لأي حد مهما كان قريب منك (باسورد موبايلك - باسورد اكونتك - باسورد الكريدت كارد بتاعك - باسورد سيكريت فولدر - باسورد الكمبيوتر ) .. كده بظبط كإنك سلمته مسدس متوجه على راسك وبتقوله "بليز متقتلنيش".. !!

2. باسوردك بيتغير كل 6 شهور، متقولش "ليه يعني هو انا مكنة ولا حد قاعدلي بقى كل ما اغيره هيفكر يجرب تاني عشان يخترقني؟!" لإن التكنولوجية اتطورت كتير جدا بقى فيها أنظمة وأجهزة تخمين هي اللي بتقوم بالمهمة كاملة والهاكر بيشرب كوباية الشاي، بتقدر تجرب فوق الـ 350 مليار باسورد في الثانية الواحدة، وكل يوم بيحصل تقريبا 150 مليون هاك.. يعني في الدقيقة الواحدة بيحصل أكتر من 100 ألف هاك!!

3. بلاش توحيد الباسوردات لإن الهاكرز عارفين أن الناس بقى عندها ذاكرة السمكة، فأول ما بيحصل هاكينج لأي قاعدة بيانات باسوردات كبيرة من على أي موقع، الهاكر بيبدأ يجرب أنه يدخل نفس الباسورد أن والايميلات على أي مواقع تانية لإنه هيقدر يخترق أكونتات نفس الناس لإنهم موحدين باسورداتهم!
"كل مديرين الشركات الكبيرة بلا استثناء اتهاكت أكونتاتهم السنة دي على تويتر، بعد تسريب بيانات أكتر من 117 مليون أكونت من شبكة لينكد ان في 2012!!"

4. حاول دايما باسوردك يكون قوي خليط من حروف "كابيتال وسمول" وأرقام ورموز ملخبطين محدش يفهمهم الا انت .. ما هو باسوردك بقى 
دي شوية مواقع بتطلعلك باسوردات قوية:
passwordsgenerator



اوعى تخلي باسوردك زي باسورد مارك "dadada" .. وطبعا اتعرف بعد ما اتعمل معاه الجلاشة على تويتر وبنترست وانستجرام 

5. متعملش داونلود لأي أبلكيشن شايف انه طالب أذونات Permissions مش هيحتاجها، يعني مثلا لعبة شطرنج وطالبة اذن تستخدم المايك !! .. بلح يعني 

6. متعملش داونلود لأي أبلكيشن من برا الستور الرسمي سواء جوجل بلاي للأندرويد أو آب ستور للـiOS.. طبعا الفضول بيقتلنا كلنا عشان فيه ابلكيشنز بنبقى محتاجينها ومش نازلة إلا APK "هنتكلم عنها بالتفصيل في بوست تاني" .. بس حاول متداونلودش الا من جوا الستور
7. على أي اكونت ليك على اي موقع أو خدمة فعّل ميزة تأكيد الدخول بخطوتين Two-step Authentication واللي بيطلب منك تدخل باسورد، وبعدها يبعتلك كود ع الموبايل، لإن الميزة دي بتحميك جدا ومعظم خدمات الانترنت دلوقتي طبقتها!
 تابع كل جديد بيحصل في العالم حواليك في التكنولوجيا وفي الأمن المعلوماتي دايمال على  All Thing او AR All Things

امازون رسميا اعلنت عن اول محل بقالة

Amazon Go

كانت اعلنت امازون السنة الفاتت و القبلها عن Amazon Go و هيا فكرة محلات البقالة  و لكن مفتحتش الموضوع اكتر و اكتفت بالاعلان عنوشفويا  , لغاية دلوقتى بعد ما اعلنت امازن امبارح انها افتتحت اول محل من محلاتها لتطوير فكرة البقالة

اول محل من امازون بيعتمد على فكرة Amazon Go و تم افتتاح اول متجر فى مدينة سياتل ف امريكا و مقلتش امازون امتى او فين هتفتح محلات اكتر  ف امريكا  و ثالت امازون برضو  ان معندهاش اى خطط لاضافت التكنلوجيا دى لمحلات  Whole Foods تبع شركة امازون 

و المسمعش عن الفكرة دى هيا عبارة عن محل بقالة زى كل المحلات لكن بقكرة التكنلوجيا و تغير فكرة البقالة مع Amazon Go 

و ف محلات امازون جو هنا تبقا السياسة الجديدة بحيض ان مفيش اى حد على الكاشير و تقدر تاخد العايزو  و بتم انك اول ما تدخل بيعملو سكان ل تطبيق على موبايلك و تقدر تاخد العايزو  و من غير متوقف ف الانتظار كتير  كل معملاتك تلقائيا و الفلوس بتتخصم من حسابك ف امازون  + ان المستشعرات على الباب  قدرة انها تعرف اخد اية و رجعت اية و المستشعرات على الرفوف برضو  ثادة تعرف انك اخد حاجة ولا لا و ان كان الحاجة الاختها و الرجعتها حجمها نقص ولا لا  

اسيبكم مع الفيديو عشان  تفهموها اكتر  



ًWhatsapp

ًWhatsapp

Image may contain: outdoor

 باحثون اكتشفوا طريقة تخلي حد يضيف نفسه في جروب شات ع الواتساب بدون ما الأدمن يضيفه!!
الطريقة متطورة حبتين، فمبدئيا لازم يقدر يوصل لسيرفرات واتساب اللي متخزن عليها الشات ده وساعتها هيضيف نفسه، وعشان

ده يحصل لازم يا إما تبقى موظف في واتساب أو هاكر تقيل أو حكومة
أليكس ستاموس -مدير أمن المعلوماتي في فيسبوك اللي بيملك واتساب- قال طبيعي أي حد غريب هيدخل اللي في الجروب هياخدوا بالهم مين دخل، لو غريب هيطلعوه، والواتساب متأمن كويس ولو زادت إجراءات تأمينه هيفقد بساطته ويبقى معقد!

 ثغرة جديدة اكتشفها تلمستخدمون على سيستم ماك macOS High Sierra بتخلي اي حد يفتح الاعدادات بتاعت جهازك الماك ويدخل على سيتينجس الآب ستور ولما يطلب منه باسورد، هيكتب أي باسورد حتى لو اسم جده، هيفتح معاه عادي ويغير فيها براحته وكدا ممكن يشوف انت بتحمل ايه
أبل مردتش طبعا بس فيه كلام ان المشكلة هتتحل في تحديث macOS 10.13.3

 الأمريكي Phillip Durachinsky اتقبض عليه عشان كان ناشر فيروس اسمه Fruitfly على أجهزة كمبيوتر في مدارس وأقسام شرطة و شركات ووزاة الطاقة الامريكية، والفيروس ده كان بيخليه يقدر يسجل من الكاميرا المتوصلة بالكمبيوتر او اللابتوب ويشوف كل حاجة بتتعمل على الجهاز وكل تكة كيبورد من 2003 لحد 2017

فيليب اعترف انه كان هدفه التجسس على الحكومة، ده في تحقيقات وزارة العدل، بس الغريب والمريب ان فيليب كان مظبط الفيروس انه أي حد يكتب على الاجهزة المتڤيرسة كلمة "Porn" يجيلو نوتيفيكيشن .. بيتجسس آه

⁩ دلوقتي كل يوم الصبح هتلاقي نشرة خفيفة بأهم اخبار التكنولوجي اللي حصلت امبارح، ما عدا الجمعة والسبت صيانة

بروتوكول WPA3

بروتوكول WPA3
No automatic alt text available.

تعرف أن الواي فاي هيبقى متأمن اكتر من زمان 🛡️
اتحاد تنظيم تقنية الاتصال اللاسلكي بالانترنت Wifi Alliance اللي مشارك فيه شركات زي ابل ومايكروسوفت وانتل، وصل لبروتوكول جديد لتشفير وحماية الاتصال بشبكات الواي فاي وهو WPA3 !
البروتوكول WPA ده هو اللي بيحمي الداتا بتاعتك وانت متصل بالانترنت من خلال شبكات الواي فاي، وسبب نزول الابديت الجديد من البروتوكول هو ان السنة اللي فاتت ظهرت ثغرة KRACK اللي ضربت كل شبكات اواي فاي في العالم، لأنها استغلت ثغرة موجودة في بروتوكول التشفير WPA2 وكانت بتسمح الثغرة دي للهاكرز انه يتحسس على الداتا اللس بتتنقل من وإلى جهازك عبر الراوتر
الجيل الجديد WPA3 بيقدم 4 مزايا أساسية:
🌟 هيستخدم تقنيات تشفير أقوى لشبكات الواي فاي حتى لو كان الباسورد اللي انت حاطه لشبكة الواي فاي بتاعتك ضعيف فتفضل محمي من ان حد يهاك شبكتك
🌟 تسهيل عملية تأمين وإعداد احراءا الحماسة لشبكة الواي فاي الخاصة بيك حتى لو جهازك مفيهوش شاشة توضحلك ازاي تأمنه
🌟 لو انت واصل واي فاي في مكان عام زي كافيه او مول مثلا، هيتم تكبيق تقنية اسمها Individualized Data Encryption ودي معناها انه بيتم تشفير الداتا اللي بتشوفها عن كريف اتصالك بالانترنت عبر الواي فاي من مواقع وباسورات وابلكيشنز بتستخدمها وبتزورها بدون ما الداتا دي ما تكون مكشوفة أصلا للراوتر وبكدا لو حد واصل بنفس الواي فاي وقدر يخترق اتصالك بالشبكة، مش هيقدر يشوف الداتا اللي انت بتستخدمها على الانترنت
🌟 لو هاكر حاول يخترق شبكة واي فاي بإنه يلعب على التخمين، بعد كذا مرة هيتعمله بلوك من انه يفتح شبكة الواي فاي دي اصلا
البروتوكول الجديد هيتم تفعيل العمل بيه خلال 2018! 


نيفيديا هتغير فكرتك عن السواقة

نيفيديا هتغير فكرتك عن السواقة
Image may contain: night and car

نيفيديا هتغير فكرتك عن السواقة... خالص 
الشركة كشفت انهاردة عن 3 منصات جديدة تحت مظلتها الأم Drive AI واللي هتشتغل على بروسيسرها التحفة Xavier اللي كشفت عنه السنة اللي فاتت في CES 2017 وكل ده هيشتغل على السيارات الذكية الجديدة!
المنصات هي:
* منصة Drive AR: المنصة دي هتقدم للمطورين منصة برمجية مفتوحة يقدروا يستخدموها في انهم يطوروا خدمات وأبلكيشنز تستخدم كاميرات وسينسورز العربيات الذكية، فالكاميرات دي تعرض اللي هي شايفاه قدام سائق السيارة على شاشة جوا العربية، أما الأبلكيشنز هتستغل بقى اللي الكاميرات بتشوفه، فمثلا تبقى ماشي ويبقى عندك أبلكيشن متسطب ع العربية يظهرلك على الشاشة إشارات توضيحية ديجيتال على المحلات اللي بتعدي عليها نجوم مثلا توضحلك الناس بتفضل ايه في المحلات دي وايه رأيهم في الخدمات اللي بيقدموها، كمان ممكن يبقى فيه أبلكيشن خاص يقولك أقرب محطة بنزين تقدر توصلها ازاي من خلال أسهم توجهك في الطرق لحد ما توصل للبنزينة  وتطبيقات تانية كتيرة طبعا
* منصة Drive IX: المنصة دي بقى هتخلي صناع السيارات الذكية يقدروا يضيفوا تجربة ممتعة جدا للسايق، بحيث انه يقدر يخلي السيارة تتفاعل مع كل الداتا اللي بتلقطها السينسورز بتاعتها جوا السيارة من تعبيرات وش السواق وكمان درجات الحرارة ووضعية قعدته وكمان طبيعة وحالة اللي راكبين معاه وغيرها من معلومات مختلفة من جوا العربية، وكمان الداتا المتوفرة وبتجمعها السينسورز بتاعت العربية من خارجها، زي علامات الطريق وكمان الناس اللي ماشية على الرصيف أو بتعدي الشارع وكمان العربيات اللي حوالين العربية نفسها وحالة الجو وداتا عن حاجات وعوامل كتيرة جدا برا العربية، كل ده ممكن يخلي صناع السيارات يقدموا مساعد شخصي للي بيسوق انه يقدر يحسن تجربته على الطريق ويسوق بشكل أفضل وأمتع كمان (( فكرة علاقة العربية بالحاجات اللي حواليها مش جديدة، كوالكوم اتكلمت في الموضوع ده السنة اللي فاتت))
* منصة Pegasus: المنصة دي هاردوير المرة دي مش سوفت وير، والتحديث اللي حصل فيها انها بدل ما كانت في حجم صندوق زي بتاع الأحذية، بقى في حجم لوحة نمر العربية، شوف الفرق من هنا

samsung و MicroLED

samsung و MicroLED

No automatic alt text available.
ساموسنج نزلت أول شاشة في العالم بتقنية MicroLED بحجم 146 بوصة 
التقنية الجديدة دي عبارة عن ان الشاشة متقسمة لعدد كبيرمن خلايا LED ميكروسكوبية، وكل خلية LED بتطلق الاضاءة الخاصة بيها، وبكدا التلفزيون مش هيحتاج وحدة إضاءة خلفية BackLight وكمان هيبقى سهل ان الشاشة تبقى اضاءتها ساطعة اوي وكمان الالوان هتبقى غنية واللون 
الأسود هيبقى عميق جدا ويبان بشكل واضح بنفس درجته الحقيقية في الحياة 
الأروع بقى ان الشاشة ممكن تتحكم في حجم مساحة عرضها فأنت مش مضطر تستخدمها كلها كشاشة ضخمة، لأ ممكن تستخدم جزء معين منها تعرض عليه اللي انت عايزه!
لحد دلوقتي، الشاشة لسا منتج تجريبي بيتعرض في معرض CES 2018 لإلكترونيات المستخدمين بس متوقع ان الشاشة تنزل السوق على نص السنة!